Swydd Newydd: Rheolwr Swyddfa

Dyddiad Cau Wedi Bod

Mae'n gyfnod cyffrous i gwmni cynhyrchu Darlun a chwmni adnoddau Ôl gynhyrchu Argol.  Ers inni sefydlu yng Nghaernarfon 3 blynedd yn ôl, da' ni wedi cynhyrchu a golygu nifer o gyfresi teledu poblogaidd fel Gwesty Aduniad, Ysgol Ni, Maesincla, Helo Syrjeri a llawer mwy. Criw bychan ydan' ni, ond dros y misoedd nesaf mae sawl prosiect newydd ar y gweill i S4C, BBC Cymru a BBC rhwydwaith, ac rydym yn bwriadu ehangu.  Rydym felly'n chwilio am berson trefnus a chydwybodol i fod yn Rheolwr Swyddfa, fydd yn asgwrn cefn i weithgaredd y ddau gwmni.  Chi fydd yn sicrhau fod y swyddfa yn cael ei rhedeg yn effeithiol a threfnus a byddwch yn helpu i oruchwylio ein trefniadau ariannol ynghyd â chynorthwyo gyda gwaith adnoddau dynol amrywiol.

Prif ddyletswyddau:

Cynorthwyo gyda Chyllid

• Anfonebu cwsmeriaid a thalu cyflenwyr

• Prosesu anfonebau incwm a gwariant gan ddefnyddio meddalwedd cyfrifo Sage (darperir hyfforddiant)

• Gweithio gyda'n cyfrifwyr i baratoi holl wybodaeth TAW, Treth, Cyflogres a phensiwn perthnasol

Cynorthwyo gyda Adnoddau Dynol

• Cydweithio gyda'r Rheolwyr Gyfarwyddwyr i sicrhau bod gofynion hyfforddiant staff, fel hyfforddiant cymorth cyntaf a gweithio'n ddiogel ar gynhyrchiadau teledu, wedi'u cyflawni.

• Cydlynu a gweinyddu'r prosesau recriwtio

• Cydlynu prosesau ymgynefino ar gyfer staff newydd, a goruchwylio lleoliadau profiad gwaith

• Cydweithio gyda'r Rheolwyr Gyfarwyddwyr i gydlynu a gweinyddu cytundebau gwaith, gan sicrhau fod y dogfennau angenrheidiol yn cael eu casglu a'u prosesu yn unol â deddfwriaeth Diogelu Data.

Gweinyddiaeth

• Gweithredu fel y prif bwynt cyswllt ar gyfer ymholiadau cyffredinol

• Sicrhau bod yr holl waith ffeilio, ar bapur ac yn electronig, yn cydymffurfio â'n canllawiau diogelu data

• Cyflawni gwaith gweinyddol o ddydd i ddydd y swyddfa, gan gynnwys trefnu gwaith cynnal a chadw offer y swyddfa

• Gweithredu fel y prif gyswllt ar gyfer y cwmnïau sydd yn gwasanaethu'r swyddfa ee. cwmni glanhau er mwyn cadw'r adeilad yn y cyflwr gorau posib.

• Cydweithio a thrafod gyda chyflenwyr allanol, gan gynnwys cytundebu prydlesi offer, adnewyddu yswiriant, casglu sbwriel, ailgylchu ac ati. Hefyd, cydlynu gwiriadau rheolaidd yr adeilad ee. profion dyfeisiadau, diogelwch tân ayyb

Y Person Delfrydol

• Rhywun sydd â phrofiad o waith gweinyddol/ ariannol ac yn gallu defnyddio meddalwedd Word ac Excel.

• Byddwch yn meddu ar sgiliau trefnu, cynllunio a thechnoleg gwybodaeth ragorol.

• Byddwch yn gallu addasu i sefyllfaoedd gwahanol, yn berson dibynadwy sydd yn gallu cynnal cyfrinachedd.

• Bydd ganddo’ch sgiliau cyfathrebu ardderchog ar lafar ac yn ysgrifenedig.

Danfonwch eich CV at arwyn@darlun.tv er mwyn cael eich ystyried am y swydd. Neu cysylltwch os am ragor o wybodaeth drwy gwblhau y ffurflen isod.

Dyddiad Cau: Dydd Gwener 19eg o Dachwedd 2021